අද අපි කියන්න යන්නේ ලෝකේ ජීවත් වුණු එක අසමසම අම්මා කෙනෙක් ගැන. ඇය නමින් මීරියම් එලිසබෙත් රොඩ්රිගස් මාර්ටිනස් (Miriam Elizabeth Rodríguez Martínez). මෙක්සිකෝවේ සැන් ෆර්නැන්ඩෝ (San Fernando) කියන ලස්සන පළාතේ ජීවත් වුණු මේ අම්මාගේ කතාව, විනාඩි පහක් අරන් අනිවාර්යයෙන්ම කියවන්න. මොකද මේක සැබෑ ජීවිතයේ සිද්ධ වුණු මහා වීරත්වයක කතාවක්
කාලය 2012 අවුරුද්දේ ජනවාරි මාසේ. මීරියම්ගේ ආදරණීය දූ පැටියා, අවුරුදු 20ක් වයසැති කැරන් (Karen) තමන්ගේ වාහනය පදවාගෙන සාමාන්ය විදියට ගෙදර එමින් හිටියේ. ඇයට තිබුණේ ලස්සන හීන පිරුණු ජීවිතයක්. ඒත්, ඒ ගමන ඇය ආපහු ආවේ නැහැ. මඟදි ඇයව පැහැරගනු ලැබුවා.
ඇයව පැහැරගත්තේ සාමාන්ය හොරු නෙවෙයි. මෙක්සිකෝවම බය ගැන්වූ, ලෝකයේ දරුණුතම සහ අනුකම්පාවක් නැති අපරාධ කල්ලිවලින් එකක් වුණු ලොස් සේටාස් (Los Zetas) කාටෙල් එකේ සාමාජිකයෝ.
"අපිට සල්ලි ඕනේ.. නැත්නම් දුවව ම*ර*නවා"
දුරකථනයෙන් ආපු ඒ තර්ජනය මීරියම්ගේ පවුලම අසරණ කළා. තමන්ගේ දුවව බේරගන්න ඕනෑම අම්මෙක් කරනවා වගේ, මීරියම් සහ ඇගේ පවුලේ අය තමන් සතු හැම සතයක්ම විකුණලා, ණය වෙලා, කාටෙල් එක ඉල්ලපු කප්පම් මුදල නූලටම ගෙවලා දැම්මා. ඔවුන් හිතුවේ සල්ලි දුන්නම කැරන් ගෙදර ඒවි කියලා.
නමුත්... දවස්, සති, මාස ගෙවිලා ගියා. කැරන් ආපහු ආවේ නැහැ.
අවුරුදු දෙකක් තිස්සේ මීරියම් හැම තැනම දිව්වා. පොලිසියට, බලධාරීන්ට වැඳ වැටුණා. ඒත් මෙක්සිකෝවේ කාටෙල් සල්ලිවලට යට වුණු දූෂිත නිලධාරීන්ගෙන් ඇයට ලැබුණේ නිශ්ශබ්දතාවයක් විතරයි.
අන්තිමේදී 2014 අවුරුද්දේ ඒ අවාසනාවන්ත ආරංචිය ආවා. අතහැර දමපු පාලු ගොවිපොළක රහස් සමූහ මි*නී වළක තිබිලා කැරන්ගේ සිරුරේ කොටස් හමුවුණා. ඒ කියන්නේ, කප්පම් සල්ලි අරගෙනත් ඒ අමනයෝ කැරන්ව ම*ර*ලා දාලා
කැරන්ගේ මර*ණයත් එක්ක සාමාන්ය අම්මා කෙනෙක් නම් ජීවිතයම එපා වෙලා, කාමරයකට වෙලා හඬලා වැලපිලා, ඉරණමට ඉඩ දීලා නිකන් ඉඳියි. ඒත් මීරියම් කැරන්ගේ ම*ර*ණය මීරියම් කියන සාමාන්ය අම්මව, මහා දරුණු පලිගැනීමක් සැලසුම් කළා
පොලිසිය උදව් කරන්නේ නැත්නම්, මම ම මගේ දුවගේ මි*නී*ම*රුවෝ ටික අපායට යවනවා කියලා මීරියම් තීරණය කළා. ඇය තනියම රහස් පරීක්ෂණයක් පටන් ගත්තා.
මේක ලේසි වැඩක් නෙවෙයි. මොකද ඇය පස්සෙන් පන්නන්නේ මි*නී*මරු කාටෙල් සාමාජිකයෝ පිරිසක් පිටුපස. මීරියම් තමන්ගේ කොණ්ඩය කැපුවා, ඒකට වෙනස්ම පාටක් දැම්මා. ඇය විවිධ වෙස්ගැන්වීම් කළා.
සමහර දවස්වලට ඇය සෞඛ්ය සේවිකාවක් වුණා. සමහර දවස්වලට ඡන්ද විමසීම් කරන නිලධාරිනියක් වුණා. 📋
තවත් දවසක ඇය මහමඟ හිඟාකන අසරණ ගැහැනියක් වුණා.
ඇය මේ විදියට සැකකරුවන්ගේ තොරතුරු, ඔවුන් ගැවසෙන තැන්, ඔවුන්ගේ පවුල්වල අයගේ විස්තර හොරෙන්ම එකතු කරගත්තා. ඇය සති ගණන් පාලු පාරවල් අයිනේ, වාහන අස්සේ හැංගිලා සතුරන්ගේ නිවාස නිරීක්ෂණය කළා.
මීරියම්ගේ මේ අසමසම බුද්ධිය සහ කැපවීම නිසා, කැරන්ගේ පැහැරගැනීමට සහ මරණයට සම්බන්ධ වුණු අපරාධකාරයෝ එකා පිට එකා කොටු වෙන්න ගත්තා. ඇය සාක්ෂිත් එක්කම මිනීමරුවන්ව කොටු කරගෙන, බලධාරීන්ට වෙන කරන්නම දෙයක් නැති තැනට වැඩේ සෙට් කරලා, පොලිසිය ලවා ඔවුන්ව අත්අඩංගුවට ගත්තා.
එකෙක් රෙදි කඩේක වැඩ කරද්දී කොටු වුණා.
තව එකෙක් පල්ලියක දේවගැතිවරයෙක් වගේ රඟපාද්දී මීරියම් උගුලක් අටවලා අල්ලලා දුන්නා.
විශ්වාස කරන්න... අම්මා, තමන්ගේ දුවගේ මර*ණයට වගකියන්න ඕනේ අපරාධකරුවන් 10 දෙනෙක්වම නීතියේ රැහැනට කොටු කරලා දුන්නා ඒක ලෝක ඉතිහාසයේම තනි ගැහැනියක් කරපු දැවැන්තම සහ භයානකම මෙහෙයුමක්
තමන්ගේ දුවට සාධාරණය ඉටු කරලත් මීරියම් නැවතුණේ නැහැ. මෙක්සිකෝව පුරාම කාටෙල් සංවිධාන නිසා තමන්ගේ දරුවන්, දෙමාපියන් අහිමි වුණු දහස් ගණන් අසරණ මිනිස්සු ඉන්නවා කියලා ඇය දැනගෙන හිටියා.
ඇය San Fernando Collective for the Disappeared නමින් සංවිධානයක් පිහිටෙව්වා. ඒ හරහා ඇය තමන් වගේම අසරණ වුණු පවුල් 600කට අධික ප්රමාණයකට තමන්ගේ අතුරුදන් වූ ආදරණීයයන්ව සොයාගන්න නායකත්වය දුන්නා, ශක්තියක් වුණා. ඇය ඒ මිනිස්සුන්ට දේවදූතයෙක් වුණා.
නමුත් මේ වීරත්වයට මීරියම්ට ගෙවන්න වුණු වන්දිය හිතාගන්නවත් බැරි තරම් දරුණුයි. කාටෙල් සාමාජිකයෝ තමන්ගේ සගයන්ව හිරේට යවපු මේ අම්මා එක්ක හිටියේ මහා වෛරයකින්. ඇයට දිගින් දිගටම ම*රණ තර්ජන ආවා. පොලිසියෙන් ආරක්ෂාවක් ඉල්ලුවත් ඇයට නිසි ආරක්ෂාවක් ලැබුණේ නැහැ.
2017 අවුරුද්දේ මැයි 10 වෙනිදා. ඒ කියන්නේ මෙක්සිකෝවේ මව්වරුන්ගේ දිනය. ලෝකයම අම්මලාට උපහාර දක්වද්දී, එදා රෑ සන්නද්ධ අපරාධකරුවන් පිරිසක් මීරියම්ගේ නිවසට කඩා වැදුණා.
ඔවුන් ඒ වීර අම්මාගේ ශරීරයට වෙ*ඩි උණ්ඩ 12ක් මුදා හැරියා
ඇද වැටුණු මීරියම්ව රෝහලට රැගෙන යන අතරතුර ඇය මෙලොව හැර ගියා. ඇය මි*ය*ගියේ තමන්ගේ දුව වෙනුවෙන් උපරිමයෙන්ම සටන් කරපු, දුව වෙනුවෙන්ම ජීවිතය පූජා කරපු සැබෑ අම්මා කෙනෙක් විදියට.
Comments
Post a Comment