අපි රෑ දකින වලට විවිධ හේතු තියෙනවා. මේ සමහර හීන පේන්න පුළුවන් අපේ යටිහිතේ තැන්පත් වෙලා තියෙන දේවල් අනුව. ඒ වගේම සමහර හීන තියෙනවා අපි ඒ හීන දකින්නේ මොකක් හරි අසනීපයකින් පීඩා විදින කොට. උදාහරණයක් විදිහට පාවෙලා අහසින් යනව කවුරු හරි හීනෙන් දකිනවනම් ඒකට හේතුව ඒ හීනය දකින කෙනා සෙම රෝගයෙන් පීඩා විදිම වෙන්න පුළුවන්. ඒ වගේම තවත් හීන තියෙන්න පුළුවන්. ඒ හීන වලින් අපිට අනාගතය ගෙන යම් යම් ඉගි පවසනවා වෙන්න පුළුවන්. ඉතින් අද අපි මේ ලිපියෙන් බලමු එහෙම දකින සිහින කීපයක් ගෙන හා ඒවායේ පලාඵල ගෙන.
හිතන්න ඔයා පන්සලේ බෝධීන් වහන්සේව හීනෙන් දකිනවා කියලා. ඒකේ තේරුම තමයි ලොකු වාසනාවකට ඔයාට මග පෑදී ගෙන එනවා. මොකක් හරි පිනක් පල දෙන කාලයක් තමයි එන්න හදන්නේ.ඒ වගේම තරුණ කොල්ලෙක් හරි කෙල්ලෙක් හරි හීනෙන් තමගේම මරණය දැක්කොත් ඒකේ තේරුම තමයි ඉක්මනින් එයාගේ විවාහය වෙනවා කියන එක. හැබැයි ඉතින් ඒ තමන්ගේ මරණය වෙනවා දැක්කොත් වෙන කෙනෙක්ගේ මරණයක් හීනෙන් වෙනවා දැක්කොත් ඒක ගොඩක් අසුබ සිදුවීමක් කියලා තමයි හීනපලාපල වල සදහන් වෙන්නේ.
ඔයා කවදා හරි දවසක සිහිනෙන් අසූචී හෙවත් මලමුත්රා දැක්කොත් ඒකේ තේරුම තමයි ඔයාට මොකක් හරි ලොකු ලාභයක් වෙන්න ළගයි කියලා.විශේෂයෙන්ම ටොයිලට් වලක් පිරිලා ඉතිරිලා තියෙනවා හීනෙන් දැක්කොත් ඒ හීනෙන් කියවෙන්නේ ඔයා මොකක් හරි ලොකු ලාභයක් ළගදීම ලබනවා කියන එක. දුප්පත්ව ඉදලා අතිශයින්ම කෝටීපතියන් වුන ගොඩක් දෙනා මේ හීනය දැකලා තියෙනවා. සමහර අය මේ වගේ හීන දැක්කම බය වෙනවා. තව සමහර අය මොනවද මම ඒ දැක්කේ කියලා කල්පනා කරනවා. හීන කියන්නේ එහෙම තමයි. හීනෙන් දකින දෙය අනුව පලාඵල කියන්න එහෙම ලේසියකට බෑ. ඒ ගෙන ඔයාට යම් නිපුනතාවක් තියෙන්නත් ඕනේ.
ඒ වගේම අපි හිතමු ඔයා බල්ලන් පොරකනවා හීනේන් දැක්කා කියලා..මේකේ තේරුම තමයි එක්කෝ මරණයක්..එක්කෝ තදබල අසනීපයක් කියලා.. ඒක නිසා එහෙම හීනයක් දැක්කොත් පොඩ්ඩක් පරිස්සමෙන් ඉන්න එක ඇගට ගුනයි.
ඒ වගේම අපි හිතමු ඔයා බයිසිකලයක් පැදගෙන යනවා හීනෙන් දැක්කා කියලා. ඒ කියන්නේ ඔයාගේ තුන් දොස් කිපෙනවා කියනව එක.. ඒ කියන්නේ වා , පිත් , සෙම ඇවිස්සිලා ඔයා ඉදිරියේදී රෝගී බවට පත් වෙනවා කියලා තමයි ඒ හීනයෙන් කියැවෙන්නේ..
ඒ වගේම අපි හිතමු ඔයා හීනේන් දැක්කා කියලා ඔයා තට්ටය ගාගෙන ඉන්නවා. එහෙම නැත්නම් ඔයාගේ තට්ටය ගානවා. මේ හීනේ තේරුම තමයි ඔයා ළගදිම ලොකු කෝලාහලයකට එහෙමත් නැත්නම් ලොකු රණ්ඩුවකට පැටලෙනවා කියන එක. ඒක නිසා මේ හීනය දැකලා ඉස්සරහට යන දවස් වල පුළුවන් තරම් රණ්ඩුවලින් ඈත් වෙලා යන්න. කාටවත් විහිළුවකටවත් දෙයක් කියන්න යන්න එපා. මොකද එහෙම වුනොත් මේක ඉවරවෙන්නේ ලොකු රණ්ඩුවක් බවට පරිවර්තනය වෙලා. ඒ නිසා ඉදිරි දින කීපය පුළුවන් තරම් ශේප් එකේ ගතකරන්න හිතාගන්න.
ඒ වගේම අපි හිතමුකෝ ඔයාගේ දත් වැටෙනවා හීනෙන් දකිනවා කියලා. මේකේ තේරුම් කීපයක් තියෙනවා. එක්කෝ ඔයාට මහ ලොකු විපතකට ළගකදි මුහුණ දෙන්න වෙනවා. එහෙම නැත්නම් ඔයාගේ ළගම කෙනෙකුගේ මරණය සිද්ද වෙනවා. හැබැයි සමහර විට මෙහෙම වෙන්නත් පුළුවන්. කෙනෙක් තමන්ගේ පෙනුම ගෙන ඕනෑවට වඩා හිතනවනම් ඒ වගේ කෙනෙකුටත් මේ වගේ හීනයක් පේන්න පුළුවන් කමක් තියෙනවා.
ඒ වගේම ඔයා රෑ හීනෙන් කුස්සියක් දැක්කොත් ඒකේ තේරුම තමයි ඔයා දැනට මොකක් හරි වැඩකටයුතු වගයක් කරගෙන යනවනම් ඒ වැඩකටයුතු සාර්ථක වෙනවා කියන එක. ඒ වගේම හිතන්න ඔයා හීනෙන් මිරිස් ගලක් දකිනවා කියලා. ඒකේ තේරුම තමයි ඔයා ස්වාමියෙක්නම් ඔයාගේ බිරිද අනාචාරයේ හැසිරෙනවා කියන එක. ඒ වගේම බිරිදක් මේ හීනය දැක්කොත් ඒකේ තේරුම තමයි බිරිද අනාචාරයේ හැසිරෙනවා කියන එක.
ඒ වගේම අපි හිතමුකෝ ඔයා බිත්ති ඔරලෝසුවක් හීනෙන් දකිනවා කියලා. ඒකේ තේරුම තමයි ඉස්සරහට එන කාලය ඔයාට තනියෙන් හුදෙකලාව ඉන්න වෙනවා කියන එක.
ඒ වගේම ඔයා නිදන කාමරයක් හීනේන් දැක්කොත් ඒකේ තේරුම දකින කෙනා අනුව වෙනස් වෙනවා. මේ හීනය දැක්කේ කාන්තාවක්නම් ඒක ශුභ හීනයක්. ඒ වගේම මේ හීනය දැක්කේ පුරුෂයෙක්නම් ඒක අසුභ සිහිනයක් ලෙසයි සැලකෙන්නේ.
එ වගේම අපි හිතමු ඔයා අවමංගල සභාවක කතාවක් කරනවා හීනෙන් දැක්කා කියලා. මේකේ තේරුම තමයි ඔයාගේ සතුරෙක් ඔයා සමග මිතුරු වීම කියලා තමයි සදහන් වෙන්නේ.
Comments
Post a Comment